Վրաստանի Ազգային բանկը սպասում է, որ կարճ ժամկետներում ազգային արժույթի արժեզրկումը կդադարի, եւ լարիի փոխարժեքը կսկսի կայունանալ, ասված է բանկի տարածած հայտարարության մեջ։
Փոխարժեքի կտրուկ տատանումն այսօր կապ չունի երկրի տնտեսության մեջ ընթացող գործընթացների հետ, պարզաբանել են Ազգային բանկից։ «Անցյալ ամիս արժեզրկման հիմնական պատճառը համաշխարհային արժույթների նկատմամբ դոլարի կայունացումն էր։ ԱՄՆ ազգային արժույթի ինդեքսը 2003–ից հետո հասել էր իր ամենաբարձր կետին»,– ասված է հայտարարության մեջ։ Ազգային բանկում կարծում են, որ դոլարի պահանջարկի կտրուկ աճը պայմանավորված է բնակչության ակնկալիքներով։
Ազգային բանկը խորհուրդ է տվել հրատապ որոշումներ չկայացնել, որոնք ավելի շատ կարող են վնաս հասցնել, քանի որ շուկայում ԱՄՆ դոլարի արժեքն այսօր արդեն շատ բարձր է։
