Լոս Անջելեսում կայացել է խաղային օսկար համարվող The Game Awards մրցանակաբաշխությունը: Մինչեւ մրցանակաբաշխության պաշտոնական սկիզբը մրցանակ են ստացել Pokemon GO-ն ՝ որպես «Լավագույն բջջային խաղ» եւ REZ Infinite-ը՝ որպես «Վիրտուալ իրականության համար լավագույն խաղ»: Այս մասին գրում է «Ленты.ру»-ն:
«Ոլորտի դեմք» անվանակարգում արձանիկ է ստացել ճապոնացի գեյմ-դիզայներ Հիդեո Կոդզիման: The Game Awards-ի տարվա խաղ անվանակարգում հաղթել է Blizzard ընկերության Overwatch շութերը: Խաղը նաեւ ստացել է մրցանակ «Լավագույն կիբեռդիսցիպլինա» եւ «Տարվա լավագույն ցանցային շութեր» անվանակարգերում:
«Լավագույն անկախ խաղ» եւ «Լավագույն գեղարվեստական ձեւավորում» անվանակարգերում մրցանակ է ստացել Inside հարթակը: «Լավագույն էքշըն» եւ «Լավագույն երաժշտություն» աանվանակարգերի հաղթող է դարձել DOOM վերաթողարկված խաղը, իսկ «Լավագույն արկածային խաղ» դարձել է Dishonored 2-ը: «Լավագույն դերասանական խաղ»-ի համար մրցանակ է ստացել Նոլան Նորթը՝ Նաթան Դրեյքի դերի համար, իսկ «Լավագույն պատմություն» անվանակարգում լավագույնն է ճանաչվել PS4-ի էքսկլյուզիվ Uncharted 4: A Thief’s End խաղը:
«Տարվա դերային խաղ» անվանակարգի հաղթող է դարձել «Ведьмак 3: Кровь и вино» խաղն, իսկ «Տարվա ստրատեգիա» է դարձել Civilization 6-ը: «Լավագույն մրցավազքային կամ սպորտային խաղ» է դարձել Xbox One-ի Forza Horizon 3 խաղը:
Միջոցառման ընթացքում տեղի են ունեցել նաեւ բազմաթիվ նոր խաղերի պրեզենտացիաներ եւ դեբյուտային ցուցադրություններ: Այս տարի The Game Awards-ի շրջանակում կայացել են Mass Effect: Andromeda, Death Stranding եւThe Legend of Zelda: Breath of the Wild խաղերի պրեմիերային ցուցադրությունները:
The Game Awards հիմնադրվել է 2014 թվականի Ջեֆ Քիլիի կողմից այն բանից հետո, երբ նա լքել է Spike TV-ի VGX նախագիծը: