Դեկտեմբերի 2-ին, ժամը 10.20-ին ահազանգ է ստացվել, որ Ապարան-Քուչակ ավտոճանապարհին «Ֆոլքսվագեն Վենտո» մակնիշի ավտոմեքենան արգելափակվել է ձնակույտի մեջ. դուրս բերելու համար անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Փրկարարներն Ապարան-Քուչակ ավտոճանապարհի 1-ին կմ-ից արգելափակումից դուրս են բերել «Ֆոլքսվագեն Վենտո» մակնիշի 33 ST 938 պետհամարանիշի (վարորդ` Ա. Ս.) ավտոմեքենան եւ «Վոլվո» մակնիշի 19 UU 741 պետհամարանիշի (վարորդ` Ա. Մ.) բեռնատարը:

***

Դեկտեմբերի 2-ին, ժամը 09.42-ին ահազանգ է ստացվել, որ Լուսաշող-Լանջառ ավտոճանապարհին «ԿամԱԶ» մակնիշի ցեմենտատար ավտոմեքենան դուրս է եկել ավտոճանապարհի երթեւեկելի հատվածից եւ արգելափակվել ցեխակույտի մեջ. անհրաժեշտ է փրկարարների օգնությունը:

Դեպքի վայր է մեկնել հրշեջ փրկարարական ջոկատի օպերատիվ խումբը:

Փրկարարները Վեդի-Լուսաշող ավտոճանապարհի 35-րդ կմ-ից հատուկ տեխնիկայի միջոցով արգելափակումից դուրս են բերել «ԿամԱԶ» մակնիշի 438 OC 61 պետհամարանիշի (վարորդ՝ Վ. Հ. 1983 թ. ծնված) ցեմենտատարը: