Հնդկաստանի Մումբաի քաղաքում բժշկական լաբորատորիայի 43 հազար հիվանդների մասին գաղտնի բժշկական տեղեկությունները սխալմամբ արտահոսել են համացանց, հայտնում է BuzzFeed պորտալը։
Հայտնում են, որ տեղի պատանատոմիայի Health Solutions լաբորատորիան տեղեկությունները պահում էր իր կայքում՝ առանց անհրաժեշտ պաշտպանության։ Ավելին, այս տվյալները վերաինդեքսավորվել են Google։ Այսպիսով գաղտնի տեղեկությունները հիմա հեշտությամբ հնարավոր է գտնել հասարակ ինտերնետային որոնման միջոցով։
Հրապարակված տվյալները պարունակում են հիվանդների անուններ, նրանց հասցեները, ծննդյան օրերը ու արյան անալիզների, այդ թվում ՄԻԱՎ թեստի տվյալները։
Այս արտահոսքն առաջինը հայտնաբերել է անվտանգության հարցերով փորձագետ Տրոյ Հանթ։ Նրա խոսքով ֆայլերից ոչ մեկը պաշտպանված չի եղել գաղտնաբառով կամ որեւէ այլ վերահսկման մեխանիզմով, իսկ դա նշանակում է, որ ցանկացած ոք կարող էր ներբեռնել դրանք։ Հիմա արդեն բարդ է ճշտել, թե քանի մարդ է տեսել այդ ֆայլերը։ Փորձագետին նաեւ հաջողվել է պարզել, որ այդ տվյալները գտնվում են ԱՄՆ հյուսիսում։
Լաբորատորիայի ադմինիստրատորը հայտնել է, որ նոր կայքը ստեղծել է մի մասնագետ, որին նա բնութագրել է որպես «անձնական ընկեր»։ Լաբորատորիայի նախորդ կայքը, նրա խոսքով, մի քանի անգամ ենթարկվել էր ցանցահենների հարձակումների։