«Բատկիշչինա» կուսակցության նախագահ Յուլյա Տիմոշենկոն հանդես է գալիս Ուկրաինայում նախագահական իշխանությունը վերացնելու օգտին։ Այս մասին նա հայտարարել է ուկրաինական 112 հեռուստաալիքին տված հարցազրույցում։
«Ուկրաինայի նախագահների նկարագիրը, բացի առաջին նախագահ Կրավչուկից, այնպիսին է, որ Ուկրաինան մտածելու բան ունի»,-հայտարարել է Տիմոշենկոն։
Հարցին, թե պատրաստվո՞ւմ է առաջադրվել նախագահի պաշտոնում, նա պատասխանել է, որ ուզում է փոխել երկիրը եւ եթե դրա համար գործիքներ կան, ինքը դրանք պատրաստ է օգտագորել։
