Ազգային ժողովի «Ժառանգություն» խմբակցության պատգամավոր Զարուհի Փոստանջյանն առաջարկում է քննարկել իր` ժողովրդի ապստամբության իրավունքի վերաբերյալ հայտարարությունը:
«Պետաիրավական հարցերի հանձնաժողովը դեմ է արտահայտվել իմ հայտարարությանը, սակայն մենք պետք է քննարկենք այս հարցը: Չմոռանանք, որ ամռանն ապստամբություն տեղի ունեցավ ու ապստամբողները մեր սոցիալական բոլոր շերտերի ներկայացուցիչներն էին, շատերը նաեւ Արցախյան պատերազմի մասնակիցներ են եղել: Մենք խնդիր ունենք` քննարկելու, թե ինչու ապստամբեցին, զենքերով պաշարեցին ոստիկանության շենքը, պետք է դասեր քաղել»,- ասաց Փոստանջյանը:
Ընդդիմադիր պատգամավորի խոսքով` հայ ժողովրդի մեծ մասը հսկայական վարկեր ունի եւ չի բացառվում, որ իրենց ապստամբության իրավունքն ապագայում կիրացնեն, հետեւաբար, պետք է խորհրդարանում քննարկել այս հարցը: