Եվրահանձնաժողովը Facebook-ին, Twitter-ին, YouTube-ին, Microsoft-ին եւ ամերիկյան այլ տեխնոընկերություններին կոչ է արել հապշտապ միջոցներ ձեռնարկել «թշնամանքի լեզվի» դեմ, հայտնում է Reuters-ը: Այլապես ԵՀ-ը սպառնացել է համապատասխան օրենքներ ընդունել:
Կես տարի առաջ ընկերությունները կամավոր վարքագծի օրենսգիրք են ստորագրել, որը Եվրոպայում 24 ժամվա ընթացքում միջոցների ընդունում էր նախատեսում: Մասնավորապես՝ նրանք համաձայնել էին անհրաժեշտության դեպքում հաշիվը հեռացնել կամ դրան հասանելիությունն արգելափակել, ինչպես նաեւ ավելի լավ համագործակցել քաղաքացիական հասարակության կազմակերպությունների հետ:
Սակայն պարզվել է, որ օրենսգրքի պահպանումը գոհացուցիչ չէ: Եվրահանձնակատար Վերա Ժուրովան նշել է, որ եթե Facebook-ը, YouTube-ը, Twitter-ը եւ Microsoft-ը ցանկանում են համոզել, որ օրենսդիր մոտեցումը գործունակ չէ, ապա առաջիկա ամիսներին պետք է ավելի արագ գործեն եւ լուրջ ջանքեր գործադրեն: