2017թ. բյուջեն պետք է լինի մակրոտնտեսական զարգացումներին համահունչ եւ իրատեսական: Այս մասին այսօր՝ դեկտեմբերի 6-ին, ԱԺ-ում ՀՀ 2017թ. պետական բյուջերի մասին օրենքի նախագծի քննարկման ժամանակ ասաց ՀՀ Ֆինանսների նախարար Վարդան Արամյանը: Նա նշեց, որ բյուջեի քննարկման ժամանակ պետք է հաշվի առնել տնտեսական զարգացումները:

«Չենք կարող ներկայացնել մի բյուջե, որը հաշվի չի առնում տնտեսական զարգացումները, անջատված է տնտեսական իրականությունից: Կարեւոր է մակրոտնտեսական կայունության սկզբունքը: Պարտքի կայունացման միջոցով պետք է գնանք հակաբյուջետային կոնսոլիդացիայի»,-ասաց նախարարը:

Սպառողական վարկեր առանց գրավի մինչև 2,000,000 ՀՀ դրամ Մինչև դեկտեմբերի 30-ը «Մինչև 2,000,000 ՀՀ դրամ առանց գրավի սպառողական վարկերը» տրամադրվում են ավելի ցածր՝ ընդամենը 19-21% տարեկան տոկոսադրույքով:

Վարդան Արամյանի խոսքով՝ ծախսերի մասով պետք է պահպանողականականություն դրսեւորել 2017թ., որպեսզի ապագայի համար պարտքը լինի կառավարելի եւ դուրս չգա վտանգավոր տիրույթից:

«Կարեւոր է նաեւ հարկային եկամուտների հավաքագրման սկզբունքը. այս մասով պետք է եւս իրատես լինել եւ հարկային ծանրաբեռնվածություն չդնենք հարկային գործակալների եւ տնտեսվարող սուբյեկտների վրա: Ծրագրային բյուջետավորման ձեւաչափով մեր քննարկումները որակական նոր հարթություն կտեղափոխվեն՝ կունենանք ոչ միայն ֆինանսական, այլեւ՝ որակական ցուցանիշներ»,-ընդգծեց նախարարը:

Վարդան Արամյանի խոսքով՝ բյուջեի ընդհանուր ուրվագիծը փոփոխության չի ենթարկվել, ընդհանուր բյուջեն իր շրջանակներով պահպանել է իր նախորդ ցուցանիշներ:

 «Եկամուտների մասով ծրագրավորում ենք շուրջ 1 միլիոն 2 հարյուր 10 միլիարդի չափով հարկային եկամուտներ, տուրքեր եւ այլ եկամուտներ: Հարկային եկամուտները լինելու են 1 միլիոն 135 միլիարդ դրամ, ծախսերը պահպանվել են 1 միլիոն 3 հարյուր 60 միլիարդի շրջանակներում, դեֆիցիտը՝ շուրջ 150 միլիարդ հարյուր միլիոն: Առաջարկվել է նվազեցնել կրթության ոլորտում ծախսերը՝ 1 միլիարդ 25 միլիոն դրամով: Դա կապված է աշկերտների թվաքանակի ճշգրտմամբ՝ փաստացի ցուցանիշների վրա ունեցել ենք այս կրճատումը: Ավելացված արժեքի հարկի գերավճարների վերադարձի մասով ծախսերը նվազեցվել են 13.1 միլիարդ դրամով»: