Outsights եւ Ipsos Mori բրիտանական կազմակերպությունների ֆուտորոլոգները համարում են, որ արհեստական ինտելեկտով ռոբոտների իրավունքները մոտ ապագայում կհավասարեցվեն մարդկանց իրավունքներին, հայտնում է Informing–ը։
Մասնագետների խոսքով, հենց դա պետք է ռոբոտներին բարձրացնի մարդկանց մակարդակին։ Մեծ Բրիտանիայի անվանի գիտական գործիչ Դեւիդ Քինգի ենթադրությամբ ռոբոտները մարդկանց հավասար իրավունքներ կստանան արդեն 2056 -ին։ Մասնավորապես նա վստահ է, որ ռոբոտները նույնիսկ նախագահական ընտրություններին քվեարկելու իրավունք կստանան։
Գիտնականներն այս թեմայով զեկույց են ներկայացրել գիտաֆանտաստիկ հարցերին նվիրված գիտաժողովի ժամանակ։ Նրանց զեկույցում խոսքը մարդկային բանականությանը մոտ բանականություն ստեղծելու հնարավորության մասին է։
Հետազոտողների խոսքով արհեստական ինտելեկտով ռոբոտները այսպես թե այնպես մոտ ապագայում կսկսեն հարց բարձրացնել իրենց իրավունքների մասին։
Մնում է հավելել, որ այս գաղափարը չի կարելի նոր համարել, քանի որ այն վաղուց է քննարկվում ու մատուցվում ֆանտաստիկ ֆիլմերի ռեժիսորների կողմից։
