Առանց այն էլ ուսանողների 70-80%-ը բանակ է զորակոչվում: Այս մասին դեկտեմբերի 6-ին ՀՀ Ազգային ժողովում հայտարարեց Կրթության եւ գիտության նախարար Լեւոն Մկրտչյանը:
Նր կարծիքով՝ զինվորական ծառայությունից տարկետում է անհրաժեշտ այն մասնագիտությունների գծով, որտեղ մշտական ուսուցում է անհրաժեշտ, օրինակ՝ միջուկային ֆիզիկայի ոլորտում եւ բնագիտության մի շարք ուղղություններում:
«Սակայն ռազմական ամբիոնների ստեղծմանը եւ ռազմարդյունաբերական համալիրի զարգացմանը զուգահեռ նրանք կարող են որոշակի աշխատանք կատարել՝ զորակոչված լինելով, բայց առանց ուսումից կտրվելու»,- նկատեց Լեւոն Մկրտչյանը:
