Հայաստանի ԱԻՆ-ում, այսօր՝ դեկտեմբերի 6-ին, ժամը 12.39-ին ահազանգ է ստացվել, որ Ստեփանավան-Տաշիր ավտոճանապարհին տեղի է ունեցել ավտովթար. կա տուժած. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ Մ-3 միջպետական ավտոճանապարհի Ստեփանավան-Տաշիր հատվածի 8-րդ կմ-ում բախվել են «VAZ 2109» մակնիշի 34 DP 903 համարանիշի (վարորդ՝ 49-ամյա Գ. Դ.) եւ «Ford Transit» մակնիշի 517 OP 61 համարանիշի (վարորդ՝ 28-ամյա Ա. Մ.) ավտոմեքենաները:
Փրկարարները Գ.Դ.-ին դուրս են բերել ավտոմեքենայից, ցուցաբերել առաջին բուժօգնություն. վերջինս տեղի ուժերով տեղափոխվել է Ստեփանավանի ԲԿ, որտեղ ստանալով համապատասխան բուժօգնություն դուրս է գրվել:
Հրշեջ-փրկարարները հոսանքազրկել են «ՎԱԶ 2109» մակնիշի ավտոմեքենան եւ փակել գազի բալոնի փականը:
