Ինդոնեզիայի Թմրանյութերի ապօրինի շրջանառության դեմ պայքարի ազգային վարչությունը (BNN) Ջակարտայում երկրի նախագահ Ջոկո Վիդոդոյի ներկայությամբ 900 կգ թմրանյութ է ոչնչացրել: Այս մասին հայտնում է Jakarta Globe-ը:
«Սա վիթխարի խմբաքանակ է եւ ապացուցում է, որ մենք թմրամիջոցների դեմ լուրջ պայքար ենք մղում»,- ասել է նախագահը՝ նշելով, որ Ինդոնեզիայում արգելված պատարստուկներն ամեն տարի դառնում են 15 հազար մարդու մահվան պատճառ:
Քաղաքականության եւ անվտանգության հարցերով համակարգող նախարար Վիրանտոն հայտարարել է, որ թմրավաճառները կանխամտածված սպանություն են կատարում՝ իրական սպառնալիքի ենթարկելով հսկայական թվով ինդոնեզիացիների կյանքը:
«Դա Ինդոնեզիայի համար շատ վտանգավոր է»,- ընդգծել է նա:
