Մեքսիկայի ԱԳ նախարար Կլաուդիա Ռուիս Մասիեուն հայտարարել է, որ ԱՄՆ-ն չի տնօրինում մեխանիզմի, որը մեքսիկական կողմին կստիպեր վճարել ընդհանուր սահմանին պատի կառուցման համար, փոխանցում է «ՌԻԱ Նովոստի»-ն:
Նման կառույց ստեղծելու գաղափարով հանդես է եկել ԱՄՆ նորընտիր նախագահ Դոնալդ Թրամփը, որը կարծում է, որ դա կօգնի հանցավորության եւ ապօրինի միգրացիայի դեմ պայքարին:
Ռուիս Մասիեուն երեքշաբթի հանդիպել է Մեքսիկայի խորհրդարանի քաղաքական համակարգման խորհրդի հետ: Նախարարը պատգամավորներին համախմբվելու եւ ԱՄՆ-ի հետ կապեր ունեցող ձեռնարկատիրական շրջանակների հետ ավելի սերտ աշխատելու կոչ է արել, որպեսզի Վաշինգթոնի հետ բանակցությունների գործում պոտենցիալ դաշնակիցներին ակտիվացնեն: