Պակիստանում կործանված ուղեւորատար օդանավի ընկնելուց առաջ դրա շարժիչներից մեկն այրվել էր։ Այս մասին Sputnik գործակալությանը հայտնել է Պակիստանի ռազմաօդային ուժերի նախկին օդաչու Հալիդ Մահմուդը։
Օդանավը,որում 47 մարդ կար, վթարի է ենթարկվել Պակիստանում Խավելիան քաղաքի մոտ։ Լրատվամիջոցներում հրապարակվել է օդանավի ուղեւորների ցուցակը, ուղեւորները 42-ն են եղել՝ 31 տղամարդ, ինը կին ու երկու երեխա։ Նրանցից առնվազն երեքը օտարերկրացիներ։ Վթարի հետեւանքով բոլորը զոհվել են։
«Մեկ անջատված շարժիչով օդանավը դժվարությամբ կկարողանա հավասար թռիչք պահպանել։ Իսկ եթե աշխատող շարժիչը ավելի քիչ քարշուժ է արտադրում՝ խնդիրը բարդանում է։ Ըստ ամենայնի, օդանավը շարունակել է կորցնել բարձրությունը ու բախվել է սարին։ Ցավոք օդաչուն չի կարողացել ոչինչ անել։ Բայց վթարի փաստացի պատճառը, իհարկե քննչական խումբը կորոշի»,- ասել է նախկին օդաչուն։