Ոստիկանության Երեւան քաղաքի վարչության գրպանահատության դեմ պայքարի բաժանմունքի ծառայողները Երեւանի Լենինգրադյան փողոցի թիվ 6 շենքի մոտից, գողություն կատարելու կասկածանքով, բերման են ենթարկել 55-ամյա Արամայիս Թ.-ին:
Ոստիկանության մամուլի ծառայությունից NEWS.am-ին հայտնում են, որ խուզարկությամբ նրա մոտ հայտնաբերվել է դրամապանակ՝ 23.000 դրամով, բանկային եւ զեղչի քարտերով:
Արամայիս Թ.-ն հայտնել է, որ դրամապանակը գողացել է թիվ 27 երթուղու ավտոբուսում, մի կնոջ պայուսակից:
Ձեռնարկված միջոցառումների շնորհիվ պարզվել է, որ տուժող քաղաքացուհին 28-ամյա Սաթենիկ Մ.-ն է:
Կատարվում է հետաքննություն: