Samsung Galaxy S6 հեռախոսը Պալաուից Թայվան չվերթի ժամանակ ծխահարվել է China Airlines ավիաընկերության օդանավում, հայտնում է Straits Times պարբերականը։

Հեռախոսը սկսել է ծուխ արձակել, երբ չորեքշաբթի օդանավը թռչում էր Մանիլայի երկրնքում: Անձնակազմի անդամները ծխացող սմարթֆոնը դրել էին սառույցով դույլի մեջ:

Միջադեպի հետեւանքով ոչ ոք չի տուժել, չվերթը չի չեղարկվել, իսկ օդանավը Տաոյուանի միջազգային օդանավակայանում ժամանակին է վայրէջք կատարել: Հաղորդվում է, որ Թայվանի Քաղաքացիական ավիացիայի վարչությունը գովաբանել է China Airlines ավիաընկերությանը միջադեպի կարգավորման հարցում ճիշտ որոշում ընդունելու համար:

Հոկտեմբերի սկզբին Samsung Electronics-ը Galaxy Note 7-ի մարտկոցների բռնկման դեպքերից հետո հայտարարել էր սմարթֆոնի արտադրության ժամանակավոր դադարեցման մասին: