Apple ընկերությունը ծրագրում է կինոնորույթները ցուցադրել մեծ էկրաններին դրանց պրեմիերաներից անմիջապես հետո։ Այս մասին հայտնում է Bloomberg–ը վկայակոչելով իր աղբյուրները։
Հիմա ընկերությունը բանակցում է հոլիվուդյան ստուդիաների հետ։ 21st Century Fox, Time Warner եւ Universal Pictures ստուդիաները հաստատել են, որ շահագրգռված են իրենց ֆիլմերն առաջարկել օնլայն կինոթատրոններում դրանց պրեմիերաներից գրեթե անմիջապես հետո, մոտ երկու շաբաթվա ընթացքում։ Այս հարցով հնարավոր է համագործակցություն iTunes-ի հետ, հայտնում է Gazeta–ն։
Աղբյուրները հայտնում են, որ Apple–ը վաղուց արդեն հետաքրքրվում է նման հնարավորությամբ։ Նրանց խոսքով iTunes–ի համար դա կդառնա մրցակիցների շրջանում «գոյատեւելու» հնարավորություն, առաջարկելով նորույթների էքսկլյուզիվ հասանելիություն։ Նշում են, որ Apple–ը որոշակի հաջողությունների է հասել iTunes–ի միջոցով երաժշտության վաճառքի հարցում, սակայն այս ծառայության միջոցով երաժշտության ու ֆիլմերի սթրիմինգի հարցում գործերն այդքան էլ լավ չեն։