Հարավային Կորեայի պաշտպանության նախարար Հան Մին Գուն կոչ է արել երկրի նախագահ Փակ Կըն Հեի իմփիչմենթի հայտարարումից հետո զինված ուժերի մարտական պատրաստականությունը մեծացնել: Այս մասին հայտնում է «Ռենհափ» գործակալությունը:
Գործակալության տեղեկություններով՝ նման որոշում է ընդունվել Հյուսիսային Կորեայի կողմից հնարավոր սադրանքների հետ կապված: Նախարարը նաեւ զինված ուժերի գերագույն հրամանատարության հետ հեռուստակոնֆերանս է անցկացրել:
Հիշեցնենք, որ Հարավային Կորեայի խորհրդարանի պատգամավորները քվեարկել են նախագահի իմփիչմենթի օգտին: Կողմ է քվեարկել 300 պատգամավորներից 234-ը, դեմ՝ 56-ը, երկու պատգամավոր ձեռնպահ է մնացել, ութ ձայն անվավեր է ճանաչվել:
