Ռիգայում ոստիկանությունն ահազանգ է ստացել այն մասին, որ փոստային բաժանմունքում 91-ամյա թոշակառուն սպառնացել է փոստի աշխատակցին, հայտնում է mixnews.lv –ը։
Տղամարդը եկել էր փոստային բաժանմունք թոշակ ստանալու, սակայն նրան ասել էին, որ գումարը փոխանցել են նրա բանկային հաշվին։ Թոշակառուին այդ պատասխանը չէր գոհացրել, նա պայուսակից հանել էր ատրճանակը եւ սպառնացել աշխատակցուհուն։ Խուզարկության ժամանակ թոշակառուի մոտ օդամղիչ ատրճանակ էին գտել։ Տղամարդն ասել էր, որ ինքը չի սպառնացել աշխատակցուհուն, այլ պարզապես ուզեցել է ցույց տալ ատրճանակը։