Դեկտեմբերի 11-ը արգենտինացի երգիչ եւ կինոդերասան, «Տանգոր արքա» Կառլոս Գարդելի ծննդյան օրն է, որը ճանաչվել է որպես Տանգոյի համաշխարհային օր՝ International Day of Tango:
Սա պար է, որի փիլիսոփայությունը դիմակայությունն է: Պարի կենտրոնում կինն ու տղամարդն են: Նրանց հարաբերությունները՝ կիրք, կոնֆլիկտ, հաշտեցումներ, երրորդ ավելորդ, խանդ, ատելություն, զգացմունքներ են, որոնք լցնում են մարդկային կյանքը: Այս պարը պարելիս ընդունված չէ խոսել, ժպտալ եւ անգամ նայել միմյանց աչքերի մեջ: Բարձրաձայն արտահայտած հրավերը կարող է ընկալվել որպես վիրավորանք: Թույլատրելի են միայն հայացքն ու շուրթերի թեթեւ շարժումները, գրում է Calend-ը:
