Հայաստանում տաքսիստներից ԱՊՊԱ-ի չափազանց թանկ ապահովագրական գումար են գանձում: Այս մասին այսօր՝ դեկտեմբերի 10-ին, լրագրողներին ասաց «Տաքսիստների անկախ արհմիություն» հասարակական կազմակերպության ղեկավար Սերգեյ Գյոզալյանը:
Տաքսիստները ստիպված են բազային սակագնից բացի, 80 տոկոս լրավճարում կատարել: «Իսկ նրանք հիմնականն էլ հազիվ են վճարում: Ինքներդ էլ գիտեք, որ մեզ մոտ վաստակելու հնարավորություններն այնքան էլ շատ չեն, մարդիկ տաքսիստ են դառնում, որ ինչ-որ կերպ գոյատեւեն»,- նշեց Գյոզալյանը:
Սպառողական վարկեր առանց գրավի մինչև 2,000,000 ՀՀ դրամ Մինչև դեկտեմբերի 30-ը «Մինչև 2,000,000 ՀՀ դրամ առանց գրավի սպառողական վարկերը» տրամադրվում են ավելի ցածր՝ ընդամենը 19-21% տարեկան տոկոսադրույքով: |
Շատ տաքսիստներ չգրանցվելով ցանկանում են ոչ իայն պետական տուրքերից տնտեսել, այլեւ ԱՊՊԱ-ից:
«Մեզ համար առաջինն անընդունելի է, քանի որ օրինապահ տաքսիստներն են պարտվող կողմ դառնում: Իսկ երկրորդն ինչ-որ տեղ հասկանալի է»,- հավելեց նա:
Անհասկանալի է նաեւ այն, թե ինչու է վարորդական լավ պատմության դեպքում սակագինը առավելագույնը 50 տոկոսով կրճատվում, իսկ վատի դեպքում աճում է մինչեւ 250 տոկոս: «Սա, իհարկե, միայն տաքսիստներին չի վերաբերում, սակայն նրանք եւս դրանից վնասներ են կրում»,- նշեց Գյոզալյանը:
Կազմակերպությունը այս եւ այլ հարցեր արդեն քննարկել է Հայաստանի ապահովագրողների բյուրոյի հետ եւ, ըստ նրա, առաջարկել ԱՊՊԱ-ի սակագները նվազեցնել: