Amazon-ն առաջին անգամ գնորդին պատվերն առաքել է անօդաչու թռչող սարքի օգնությամբ, այս մասին հայտնել է ընկերության հիմնադիր Ջեֆ Բեզոսը, փոխանցում է Meduza–ն։
Առաքումն իրականացվել է դեկտեմբերի 7-ին Մեծ Բրիտանիայում։ Amazon-ում հավաստիացնում են, որ պատվերի պահից մինչեւ հաճախորդի կողմից պատվերի ստացման պահը 13 րոպե է անցել։ Ռիչարդ Բ․ անունով հաճախորդը Amazon Fire TV հեռուստատեսային կցասարք էր պատվիրել ու փոփքորն։
Անօդաչուի օգնությամբ պատվերներն առաքելու մտադրության մասին Amazon -ը հայտնել էր 2013-ին։ Ընկերությունում հայտնում են, որ Amazon Prime Air ծառայությունը մինչեւ 2․2 կգ քաշով պատվերներն առաքելու է առավելագույնը 30 րոպեում։