News
Լրահոս
News
Կիրակի
Դեկտեմբեր 04
USD
395.53
EUR
393.43
RUB
6.42
Տեսնել լրահոսը


Արցախում մայիսի 13-ին ծանր վիրավորում ստացած Հովհաննեսը կամաց-կամաց ապաքինվում է. առանց ձեռնափայտի քայլում է, սկսել է խոսել, թեեւ ոչ շատ վարժ: Սա է պատճառը, որ տեսախցիկի առջեւ հրաժարվում է խոսել, միայն մի քանի բառ է ասում, այն էլ մոր ու քրոջ խնդրանքներից հետո:

«Ամեն ինչ լավ է լինելու»,- ասում է Հովհաննեսն ու լռում:

Հովհաննեսի փոխարեն մայրն է խոսում: Տիկին Գայանեն կրկին վերհիշում է` որդին երկու անգամ է վիրավորվել. Ապրիլի 3-ին Թալիշում բեկորային վիրավորում էր ստացել, մի քանի ժամ հոսպիտալում մնալուց հետո կրկին դիրքեր էր վերադարձել, երկրորդը` կրկին Թալիշում էր, մայիսի 13-ին Հովհաննեսը մոտեցել է աղբյուրին լվացվելու, հենց այդ պահին էլ հակառակորդի կողմից գլխի շրջանում վիրավորում ստացել: Մարտակերտի, ապա Ստեփանակերտի, վերջում Կենտրոնական կլինիկական հոսպիտալ տեղափոխված Հովհաննեսի վիճակը բժիշկները ծայրահեղ ծանր էին գնահատում, կոմայի մեջ էր, հարազատներին նույնիսկ վատագույնին էին նախապատրաստել, սակայն զինծառայողը բոլորին ապացուցեցին` ինքն ապրելու է: Վիրավորվելուց 26 օր անց կոմայից դուրս եկավ, որոշ ժամանակ անց արդեն Կարմիր խաչի վերականգնողական կենտրոն տեղափոխվեց, որտեղ համառ պարապմունքների շնորհիվ սկսեց սկզբում կանգնել, հետո նաեւ քայլել:

«Բոլոր բժիշկներից շատ գոհ եմ: Աստված որդուս հետ է, տղաս ոտքի կանգնեց: Նման արդյունքի չէինք սպասում, բվոլորի համար անակնկալ էր, որ յոթ ամսում այսքան փոփոխություն կլինի, իհարկե, ես ծնող եմ, շտապում եմ, բայց ասում են, որ շուտով ձեռքն էլ կսկսի շարժել»,- ասում է մայրը:

Մինչ հիվանդանոցում եւ վերականգնողական կենտրոնում Հովհաննեսը պայքարում է եւս մեկ առաջընթաց ունենալու համար, մայրը փորձում է դասավորել որդու փաստաթղթերը, որ հաշմանդամության թոշակը գոնե ստանան. «Պետության կողմից միանվագ 500 հազար եւ 100 հազար դրամ է նախատեսված, սակայն առ այսօր չենք ստացել: Երբ զանգում ենք, ասում են` այսօր կլինի, վաղը կլինի, ու մինչեւ այսօր նորություն չունենք: Երեւի թե երեք զինվոր է մնացել, որ այդ գումարը չի ստացել, մեզ ասում են` բյուջեում փող չկա: Մենք նույնիսկ հաշմանդամության թոշակը չենք ստանում, վիրավորվելուց յոթ ամիս է անցել, բայց դա էլ են ձգձգում»:

Տիկին Գայանեն ընդգծում է` պետությունից միայն որդուն հասանելիք գումարն է պահանջում, ավելին, ուզում է, որ Պաշտպանության նախարարությունը պատշաճ ուշադրություն դարձնի որդուն: Նշենք, որ Հովհաննեսին այս յոթ ամիսներին միայն առողջապահության արդեն նախկին նախարար Արմեն Մուրադյանն է այցելել, իսկ Սեյրան Օհանյանը երբեք չի այցելել, նույնիսկ շնորհակալագիր չի տվել:

«Սեյրան Օհանյանին թոշակի հարցով դիմել եմ, ասաց` շուտ կլինի, բայց յոթ ամիս ա` չենք ստացել, Սեյրան Օհանյանի պարտականությունն էր գալ եւ շնորհակալություն հայտնել տղայիս, բայց դա էլ չարեց: Իմ երրորդ տղային բանակ չեմ ուղարկելու, Հովհաննեսն իր եղբոր տեղն էլ ծառայեց, Անդրանիկիս 18 տարեկանն ապրիլին լրանում է, որից հետո ուզում են բանակ տանել, բայց թույլ չեմ տալու: Հիմա ասում եմ` ով գա, Անդրանիկիս ուզենա տանի ծառայության, Հովհաննեսիս վրեժն իրանցից լուծելու եմ»,- ասում է մայրը:

Նշենք, որ Հովհաննես Պողոսյանը Վանաձորից է, ընտանիքը Երեւանում վարձով է բնակվում:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Այսօր ապրիլյան պատերազմում զոհված Քյարամ Սլոյանի ծննդյան օրն է. նա կդառնար 26 տարեկան
Կապիտան Արմենակ Ուրֆանյանն իր անձնակազմի հետ հետ միասին կարողացել է երկու անգամ ետ մղել հակառակորդի գրոհը...
«Քաղաքացիական պայմանագիր». ընդդիմությունը պետք է ծանոթանա ապրիլյան էսկալացիայի հետաքննության զեկույցին
Աբրահամյանն ավելի վաղ ասել էր, որ ներկայիս իշխանության օրոք անհնար է ապահովել ղարաբաղյան 44-օրյա պատերազմի օբյեկտիվ հետաքննություն․․․
Սեյրան Օհանյան. Գործող իշխանությունը ապրիլյան էսկալացիայի մասին զեկույցին ծանոթանալու թույլտվություն չի տալիս
«Ինձ համար գաղտնիք չկա...
ԶՈՒ ԳՇ տեղեկատվական բաժնի պետ Սամվել Ասատրյանն անցել է կոռեկտության սահմանները. Գեւորգ Գորգիսյան
Որպես ՀՀ ԱԺ Պաշտպանության և անվտանգության հարցերի մշտական հանձնաժողովի և Ապրիլյան քառօրյա պատերազմի հանգամանքներն ուսումնասիրող...
Ապրիլյան պատերազմի քննիչ հանձնաժողովը հետապնդում էր մեկ նպատակ՝ կասկածի տակ դնել ապրիլյան հաղթանակը. Աշոտյան
Կոտրել հաղթողի հոգեբանությունը և 2016թ-ի հաղթանակը դարձնել քաղաքական շահարկումների առարկա...
Ըստ զեկույցի Արտակ Դավթյանը ապրիլյանի մեղավորներից է, բայց նա հիմա ԳՇ պետն է. Էդմոն Մարուքյան
Ապրիլյան պատերազմի խորքային պատճառները գոնե այն մարդկանց շրջանակներում, որոնք ունեն գաղտնիության մատչելիություն, ի սկզբանե պարզ էր…
Ամենաշատ