Ռուսաստանում երկուշաբթի՝ դեկտեմբերի 26-ին, հայտարարվել է համազգային սգո օր՝ կապված ՌԴ ՊՆ-ի Տու-154 ինքնաթիռի կործանման հետ: «ՌԻԱ Նովոստի»-ի փոխանցմամբ՝ այս մասին լրագրողների հայտարարել է Ռուսաստանի նախագահ Վլադիմիր Պուտինը:
Նա նաեւ խոստացել է, որ աղետի պատճառների մանրակրկիտ քննություն կիրականացվի, եւ որ ամեն ինչ կարվի զոհվածների ընտանիքներին աջակցելու համար: «Կառավարությանը հանձնարարվել է հանձնաժողով ստեղծել, որը կղեկավարի տրանսպորտի նախարարը»,- հավելել է նա: Նախագահը մեկ անգամ եւս ցավակցել է ավիաաղետից զոհվածների հարազատներին:
Սոչիից Լաթաքիա թռչող Տու-154 ինքնաթիռը ընկել է Սեւ ծովը: Ինքնաթիռում 92 մարդ է եղել: Նրանց թվում են եղել Ալեքսանդրովի անվան համույթի երաժիշտները, լրագրողներ: Ներկայումս կործանման վայրում որոնումներ են կատարում, սակայն փորձագետները կարծում են, որ ողջ մնացածներ հայտնաբերելու հնարավորություն գործնականում չկա:
