Նախնական տվյալներով՝ երկու հայերը, որոնց տվյալները նշված են Սեւ ծովն ընկած Ռուսաստանի Պաշտպանության նախարարության Տու-154 ինքնաթիռի ուղեւորների ցուցակում, Ռուսաստանի քաղաքացիներ են: Այս մասին NEWS.am-ի հետ զրույցում ասաց ԱԳ նախարարության մամուլի քարտուղար Տիգրան Բալայանը՝ հավելելով, որ տեղեկությունը ստուգվում է: «Սոչիում մեր հյուպատոսությունը այս հարցով զբաղվում է, հենց տեղեկություն ստանանք՝ կհայտնենք»,- նշեց նա:
Նշենք, որ Լաթաքիա թռչող ՌԴ ՊՆ-ի Տու-154 ինքնաթիռի ուղեւորների ցուցակում նշված է գնդապետ Ա. Ի. Վահանովի անունը, իսկ Ա. Ալեքսանդրովի անվան երգչախմբի երգիչների ցուցակում նաեւ Օ. Պ. Գեորգիյանի:
Հիշեցնենք, որ Տու-154 ինքնաթիռը ռադարներից անհետացել է թռիչքից 2 րոպե հետո: Ինքնաթիռում 92 մարդ է եղել՝ ներառյալ անձնակազմը: