Ռուսաստանի Արտակարգ իրավիճակների նախարարությունը Պաշտպանության նախարարության Տու-154 ինքնաթիռի կործանման վայրում որոնողական աշխատանքների տեսանյութ է տարածել: Այս մասին հայտնում է Lenta-ն:
Ինքնաթիռի կործանման վայրում մեծ թվով նավեր են գործում, որոնց անդամները ջրից ինքնաթիռի բեկորներ են որսում: Երկնքից ջրի մակերեւույթը հետազոտում են ուղղաթիռներով:
Ավելի վաղ տրանսպորտի նախարար Մաքսիմ Սոկոլովը հայտնել է, որ Տու-154-ի ինքնագիրները ռադիոփարոս չունեն, եւ այն բեկորների թվում պետք է փնտրեն ջրասուզորդները եւ խորջրյա սարքերը: