Սեւ ծովում «Տու 154» օդանավի կործանման վայրում՝ Սոչիի ափից 1․5 կմ հեռավորության վրա, ջրասուզակները հայտնաբերել են օդանավի պոչի մասն ու դրա շարժիչի որոշ մասեր։
«Ջրի տակ հայտնաբերվել են մի շարք բեկորներ, որոնք հիմա ուսումնասիրվում են։ Դրանցից են պոչի մասը՝ շարժիչի որոշ բեկորներով»,- ասվում է ՊՆ մամուլի հաղորդագրության մեջ, փոխանցում է «ՌԻԱ Նովոստին»։
Գտնված բոլոր բեկորները ափ են հանում ու փոխանցում քննչական մարմիններին։
Ավելի վաղ հայտնել էին այն մասին, որ օդանավի կործանման վայրում գտել են օդանավի կմախքի երեք կտոր։