Վրաստանի նախագահ Գեորգի Մարգվելաշվիլին այսօր` հունվարի 6-ին, շնորհավորել է Վրաստանում բնակվող հայերի Սուրբ Ծնունդը։
Վրաստանի նախագահն իր ֆեյսբուքյան պաշտոնական էջում գրել է.
«Հարգելի հայ համաքաղաքացիներ, սրտանց շնորհավորում եմ Սուրբ Ծննդյան տոնի առիթով։ Հայերի եւ վրացիների բարեկամությունը դարերի խորքից է գալիս, եւ Վրաստանում ծնված բազմաթիվ հայ գիտնականների ու հասարակական գործիչների թողած ավանդը Վրաստանի զարգացման եւ պատմության մեջ մեծ է, որը մեզ համար գնահատելի է: Թող 2017 թվականը լինի առողջության, երջանկության եւ խաղաղության տարի հայ ժողովրդի համար»,- գրել է նա։
