Դոնի Ռոստովում հարձակվել են «Կավկազսկի ուզել» պարբերականի լրագրող Վլադիսլավ Ռյազանցեւի վրա, հայտնում է «ՌԻԱ Նովոստի»–ն՝ վկայակոչելով իրավապահ մարմիններում իր աղբյուրները։
Լրագրողի խոսքով՝ ինքը մի քանի մարդու կողմից հարձակման է ենթարկվել կնոջ հետ զբոսնելիս։
«Կնոջս հետ զբոսնում էի քաղաքի կենտրոնում, տրանսպորտ նստելիս կանգառի դիմաց հետեւիցս կանաչ կոստյումով մի մարդ մոտեցավ՝ դեմքը փակած։ Ասելով, թե գնանք խոսենք՝ նա ինձ փորձեց քաշել եւ մի քանի վայրկյանից հարվածեց գլխիս, ես վայր ընկա։ Մոտ վազեցին եւս 4 մարդ, ձեռքերով եւ ոտքերով սկսեցին հարվածել, կնոջս կոպտորեն մի կողմ հրեցին, բայց անցորդների բարձրացրած աղմուկից հետո ցրվեցին»,– պատմել է լրագրողը։
Նա չի բացառել, որ հարձակումը կարող է կապ ունենալ իր լրագրողական եւ ընդդիմադիր գործունեության հետ։