News
Լրահոս
News
Երեքշաբթի
Հուլիս 25
Տեսնել լրահոսը

Երեւանում գործող տրանսպորտային համակարգն արդյունավետ չէ, եւ շուրջ 2 տարի առաջ այս ուղղությամբ սկսված գործընթացի արդյունքներն ու ձեռքբերումները մեզ համար, ցավոք, բավարար չեն: Այս մասին, այսօր՝ հունվարի 12-ին, մայրաքաղաքում երթուղային նոր ցանցի ձեւավորման «Դաբլյու Վայ Ջի Ինթերնեյշնլ լիմիթիդ» խորհրդատվական ընկերության տնօրեն Ռիչարդ Բարլեյի հետ հանդիպման ժամանակ նշել է Երեւանի քաղաքապետի տեղակալ Վահե Նիկոյանը:

Քաղաքապետարանից NEWS.am-ին հայտնում են, որ մայրաքաղաքի երթուղային նոր ցանցի մշակման խորհրդատու ընկերության հետ մեկնարկային հանդիպմանը մասնակցել են նաեւ ենթախորհրդատուներ «Ամերիա» ՓԲ եւ «Ֆիմոշնս» ընկերությունների  ներկայացուցիչները: Ընկերության հետ կնքված պայմանագրով առաջիկայում կմշակվի երթուղային նոր ցանց, ինչպես նաեւ` ինտեգրված սակագնի եւ տոմսային համակարգ:

Կարեւորելով մայրաքաղաքում երթուղային նոր ցանցի ստեղծման անհրաժեշտությունը՝ Վահե Նիկոյանն ընդգծել է, որ տրանսպորտային բարեփոխումները մայրաքաղաքի բնակչությանը հուզող ամենակարեւոր խնդիրներից են, որի մասին վկայում են վերջին սոցհարցումները, ըստ այդմ, Երեւանի քաղաքապետարանի համար խնդրի լուծման գործնական փուլին անցնելը նաեւ օրակարգային է: Վահե Նիկոյանը նաեւ մանրամասնել է մայրաքաղաքում երթուղային ցանցի խնդիրները, ներկայացրել նախորդ խորհրդատուի  կողմից կատարված աշխատանքը:

«Գործող տրանսպորտային համակարգն արդյունավետ չէ, եւ շուրջ 2 տարի առաջ այս ուղղությամբ սկսված գործընթացի արդյունքներն ու ձեռքբերումները մեզ համար, ցավոք, բավարար չեն: Այժմ, նոր խորհրդատուի առկայությամբ մենք ակնկալում ենք, որ բարեփոխումները կմտնեն գործնական փուլ եւ դրանք առաջին հերթին պետք է սկսվեն երթուղային նոր ցանցի տեխնիկական մշակումից: Նշեմ, որ կան որոշակի ուսումնասիրություններ, այդ թվում ուղեւորահոսքի եւ առկա վիճակի վերաբերյալ: Մենք գնում ենք համակարգային բարեփոխումների եւ ակնկալում ենք ունենալ լիարժեք, արդյունավետ ցանց, որը հիմնված կլինի մանրամասն ուսումնասիրությունների վրա, հնարավորին կբացառվեն կրկնվող երթուղագծերը՝ դրանով իսկ բարձրացնելով արդյունավետությունը: Բացի այդ, կարեւոր է, որ, մեր բնակչությանը հնարավորին քիչ անհարմարություններ պատճառելով, ձեւավորենք եւ ունենանք միջազգային չափորոշիչներին համապատասխանող եւ առավելագույն արդյունավետ երթուղային նոր ցանց», - ընդգծել է Վահե Նիկոյանը՝ հատկանշելով, որ քաղաքապետարանն իր լիազորության շրջանակում պատրաստակամ է աջակցելու աշխատանքներին:

«Դաբլյու Վայ Ջի Ինթերնեյշնլ լիմիթիդ» խորհրդատվական ընկերության տնօրեն Ռիչարդ Բարլեյը, շնորհակալություն հայտնելով հանդիպման համար, նշել է, որ ընկերությունը, սկզբնական ուսումնասիրման փուլում ծանոթանալով գործող ցանցին եւ խնդիրներին, առաջիկա ամիսներին դրանք կամփոփի եւ կկազմի երթուղային նոր ցանցի նախնական առաջարկը:

Հանդիպմանը նշվել է, որ Երեւանի քաղաքապետի հանձնարարությամբ կձեւավորվի նաեւ միջգերատեսչական հանձնաժողով: Ընկերության կողմից մշակված առաջարկները ներկայացվելու են նաեւ հանրային քննարկման՝ հաշվի առնելու, թե որքանով են դրանք արդյունավետ եւ ընդունելի բնակչության համար:

!
Այս նյութը հասանելի է նաև   Русский
Տպել
Կարդացեք նաև
Ամբողջ
Ֆինանսների նախարարությունը կառաջարկի էլիտար առանձնատների գույքահարկը բարձրացնել
Այս դեպքում հարկերը կաճեն ոչ միայն «դղյակների», այլ նաեւ «խրճիթների» համար…
Այս տարի տրամադրվել է ընդերքօգտագործման 21 թույլտվություն
Տրամադրվել է տրավերտինի եւ ավազակոպճային խառնուրդի 3-ական, տուֆի եւ կրաքարերի 1-ական եւ բազալտի 2 հանքավայրի շահագործման իրավունք...
Առաջընթացի համար նախ պետք է վերացնել Երեւանի հասարակական տրանսպորտի ավատատիրական մասնատվածությունը
Հասկանալի է, որ այդ ոլորտի տարնսպորտային ձեռնարկությոնները պետք է շահույթ ունենան, որի մի մասն ուղղվում է ոլորտում ներդրումներ անելուն։ Սակայն հարցն այն է, թե ինչ աղբյուրներից պետք է ապահովվի այդ շահույթը․․․
Կփորձենք աջակցություն գտնել նաեւ նոր խոշորացվող համայնքների համար.. փոխնախարար
Հայաստանում այսօր արդեն 18 խոշորացված համայնք կա, որոնցում միավորվել են 140 համայնքներ...
Դոլարն ու եվրոն շարունակում են թանկանալ
Հուլիսի 24-ին «ՆԱՍԴԱՔ ՕԷՄԷՔՍ ԱՐՄԵՆԻԱ» ԲԲԸ-ում դոլարի առքուվաճառք տեղի չի ունեցել…
Հոկտեմբերին Երեւանում քննարկում կկազմակերպվի ԵՄ-ի «Արեւելյան գործընկերության» ագրարային զարգացման թեմայով
«Սովորաբար այդ քննարկումներն անցկացվում են Բրյուսելում, բայց մեր եվրոպացի գործընկերները համաձայնեցին այս տարի մեզ մոտ գալ...
Ամենաշատ
Partner news