News
Լրահոս
News
Չորեքշաբթի
Դեկտեմբեր 13
Տեսնել լրահոսը

Եկեղեցու համար հունվարի 13-ը Քրիստոսի անվանակոչության տոնն է, ոչ թե Հին Նոր տարի: Այս մասին այսօր` հունվարի 12-ին, լրագրողների հետ զրույցում ասել է Արարատյան Հայրապետական թեմի Արաբկիր համայնքի հոգեւոր հովիվ Տեր Բաբկեն քահանա Հայրապետյանը:

Նրա խոսքով` տոնը լրիվ այլ նշանակություն ունի, մարդիկ չիմանալով են այն անվանում Հին Նոր տարի:

«Քրիստոսի ծնունդից հետո նրան տարել են Երուսաղեմ, այնտեղ կնքել են եւ անվանել Հիսուս, որը եբրայերենից թարգմանված նշանակում է` փրկիչ: Ես դեմ չեմ, որ մարդիկ ուրախանան, նշեն, բայց գոնե իմանան տոնի իրական խորհուրդը»,-ասաց Տեր Բաբկեն քահանա Հայրապետյանն ու հավելեց. «Մենք հին ու նոր չենք ունեցել: Մեր ամենասրբազան տոմարը հայկյան հաղթանակն էր, որ համընկել է Նավասարդի մեկի հետ՝ օգոստոսի 11-ին: Հունվարի 13-ը՝ Տիրոջ անվանակոչության օրը, անշարժ տոն է Հայ առաքելական եկեղեցու համար: Եկեղեցին հին ու նոր տարի չի նշում, այլ նշում է Տիրոջ անվանակոչության տոնը»:

Նրա խոսքով, Հայ եկեղեցին Քրիստոսի անվանակոչության օրը տոնում է հետեւյալ կերպ. քահանան ընտրում է համայնքի բնակիչներից որեւէ մեկին, ով  հունվարի 6-ին խաչը պետք է տանի իր տուն, իսկ հունվարի 13-ին քահանան ինքն է գնում խաչը տանողի, այսինքն խաչի քավորի տուն ու հետ բերում խաչը եկեղեցի:

«Խաչի քավորին ընտրում ենք մենք, հաշվի առնելով նրա նվիրվածությունը եկեղեցուն, նրա հայրենասիրությունը, ազնվությունը հայրենքի եւ մարդկանց նկատմամբ: Այս տարի, իմ համայնքում խաչի քավորը մի ազատամարտիկ է լինելու»,-նշեց Տեր Բաբկեն քահանա:

Նշենք, որ Հուլյան տոմարի համաձայն` տարին ուներ ոչ թե 365 օր, 5 ժամ, 48 րոպե, 46 վայրկյան, այլ 365 օր, 6 ժամ, այսինքն՝ ճշգրիտ հաշվումներով որոշված տարուց 11 րոպե 14 վայրկյանով երկար էր։ Սխալմունքը վերացնելու նպատակով Հռոմի Գրիգոր 13-րդ պապը Եվրոպայի նշանավոր տոմարագետներին հրավիրում է Հռոմ, որպեսզի նորը մշակեն։ Բազմաթիվ նախագծերից ընդունվում է իտալացի բժիշկ եւ աստղագետ Ալոիս Լիլիոյի նախագիծը, որը կիրառվեց 1582 թվականի հոկտեմբերի 15-ից։ Քանի որ հուլյան տոմարի 11 րոպե 14 վայրկյանի սխալը Ն.Ք. 46 թվականից մինչեւ 1582 թիվը կուտակվել դարձել էր 10 օր, այսինքն` ժամանակը 10 օր ետ էր ընկել, ուստի սխալն ուղղելու համար որոշվեց 1582 թ. հոկտեմբերի 4-ից հետո ոչ թե հոկտեմբերի 5-ը նդունել, այլ` հոկտեմբերի 15։ Քանի որ 1582 թվականից մինչեւ 1918 թվականը, այսինքն` 336 տարում վերոհիշյալ 11 րոպե 14 վայրկյանը կուտակվել էր եւ դարձել 3 օր, ուստի այդ երկրում նոր տոմարը հնից երկար էր ոչ թե 10, այլ 13 օրով։

Տպել
Կարդացեք նաև
Ամբողջ
Գարեգին Բ-ն ընդունել է Վրաստանի եւ Հարավային Կովկասի Ավետարանական-Լյութերական եկեղեցու եպիսկոպոսին
Վեհափառ Հայրապետն անդրադարձ է կատարել Հայաստանյայց Առաքելական եւ Ավետարանական եկեղեցիների միջեւ առկա կապերին եւ գործակցությանը Էկումենիկ կազմակերպությունների հարթակներում...
Ջավախքին վերապահել թեմի կարգավիճակ, այնտեղ հյուպատոսություն բացել. Եվրոպայի հայերի համագումարի կոչը
Թույլ չտալ վրաց հասարակության սրտում բույն դնի այլատյացությունը...
Հայապահպանումը հային թանգարանում պահելը չէ. Մխիթարյան միաբանության Հայր Սերոբ վարդապետ Չամուռլյան (ֆոտո)
Այն անմիջական կապվածություն ունի հուշարձանների պահպանության հետ...
Շնորհիվ մեր վաստակի ռումինահայությունն այսօր վայելում է երկրի իշխանությունների հարգանքը. Գարեգին Բ-ն՝ դեսպանին
Գարեգին Բ-ն ընդունել է Ռումինիայում ՀՀ նորանշանակ դեսպանին...
Ստամբուլի «Ակոս»-ը պատրիարքի ընտրության հետ կապված հարցեր է բարձրացրել
Ստամբուլի նահանգապետը արքեպիսկոպոս Աթեշյանին արդյո՞ք ասել է․ «Դուք դեռ հրաժարական չեք տվել․․․
Պոլսո հայոց պատրիարքի տեղապահը տեղափոխվել է հիվանդանոց
Բժիշկները նշել են, որ Գարեգին սրբազանը շուտով կապաքինվի․․․
Ամենաշատ
Ֆոտոռեպորտաժներ
Partner news