Ոչ ոք չի կարող Արցախի հարցով որոշում կայացնել՝ առանց ժողովրդի համաձայնության: Այս մասին հունվարի 13-ին կայացած մամուլի ասուլիսում հայտարարեց ՀՀ վարչապետ Կարեն Կարապետյանը:
Նրա խոսքով՝ մարտում տարած հաղթանակը հարկավոր է պահել տրամաբանական բանակցությունների ճանապարհով: Իսկ թե ինչպիսին կլինի դրանց արդյունքը, հիմա անիմաստ է ասել:
«Եթե խոսենք փոխզիջումների մասին, ապա նայած ինչ եւ ինչի դիմաց ենք զիջում: Երբ ժամանակը գա, կարելի է խոսել այդ մասին: Փոխզիջման առարկա կարող են լինել ոչ միայն տարածքներ, այլ նաեւ կարգավիճակ եւ շատ այլ բան: Չեմ կարծում, որ ինչ-որ մեկը որոշում կկայացնի, որին մեր ժողովուրդը, մեր քաղաքացիները համաձայն չեն լինի: Դա այնքան մեծ պատասխանատվություն է, որ ես չեմ տեսնում մեկին, որը կարող է միայնակ նման որոշում կայացնել»,- նշեց վարչապետը:
