Իրաքի Մոսուլ քաղաքում ահաբեկիչների դեմ գործողություններին մասնակցող ոստիկանության եւ հատուկ նշանակության ջոկատները քաղաքի արեւելքում վերականգնել են տարածքների 90 տոկոսի նկատմամբ հսկողությունը, հայտնում է «Աս Սումարիա» հեռուստաալիքը՝ վկայակոչելով Իրաքի ԶՈւ միավորված հրամանատարության ներկայացուցիչ Յահյա Ռասուլին:
«Իրաքի ուժերը ազատագրել են Տիգրիս գետի ձախ ափի տարածքների 85-90 տոկոսը,- ասել է Ռասուլը,- շարունակվում է Մոսուլի արեւելքում ԻՊ-ից ազատագրված շրջանների մաքրման գործողությունը:
Նրա խոսքով՝ հատուկ նշանակության ջոկատայինները եւ դաշնային ոստիկանությունը վերահսկում են Տիգրիսի աջ եւ ձախ ափերը միացնող 5 կամուրջներից 3-ը: