Հայաստանի գիտության պետական կոմիտեում կրճատումներ առայժմ չեն եղել: Հունվարի 17-ին լրագրողների հետ հանդիպմանն այս մասին հայտնեց ՀՀ կրթության եւ գիտության նախարարության գիտական պետական կոմիտեի նախագահ Սամվել Հարությունյանը:
Նրա խոսքով՝ առանց այն էլ պետկոմում 39 մարդ է աշխատում, իսկ կառույցի գործառույթները բավական ընդարձակ են. համակարգում, հիմնարար, կիրառական, պաշտպանական մշակումներ:
«Մեր աշխատակիցները երբեմն ստիպված են լինում նույնիսկ հանգստյան օրերին աշխատել: Այդ մասին ես ասել եմ նաեւ Հայաստանի վարչապետ Կարեն Կարապետյանին»,- հավելեց Հարությունյանը:
