Ադրբեջանում շարունակում են միջուկային հումք փնտրել։ Trend–ի փոխանցմամբ՝ դա կլինի 2017-ին «Միջուկային հետազոտությունների կենտրոն» ՓԲԸ գերակա ուղղություններից մեկը։
Միջուկային վառելիքը փնտրում են Շեմախիում եւ Նախիջեւանի Ինքնավար Հանրապետությունում։ ՓԲԸ–ն պլանավորում է կառուցել հետազոտական ռեակտոր, ինչի կապակցությամբ նախապատրաստական աշխատանքներ են ընթանում, մշակում են եւ հաստատվում փաստաթղթեր, պատրաստվում է հիմնավորում, թե ինչ տեսակի ռեակտոր է անհրաժեշտ եւ ինչպես են այն օգտագործելու։ Կենտրոնի մասնագետներն ուսումնասիրելու են Սլովենիայի եւ Ռուսաստանի հետազոտական ռեակտորների սկզբունքը։