ԱՄՆ նորընտիր նախագահ Դոնալդ Թրամփը կարող է բռնապետ դառնալ, կարծում է ֆինանսիստ Ջորջ Սորոսը: Այս մասին Դավոսի միջազգային տնտեսական համաժողովի ժամանակ նա հայտարարել է Bloomberg-ի հետ հարցազրույցում
«Ես նրան որպես խաբեբա եւ խարդախ կբնութագրեի: Եվ նա կարող է բռնապետ դառնալ, եթե հաջողի ջրից չոր դուրս գալ»,- հայտարարել է Սորոսը:
Միեւնույն ժամանակ, նա նշել է, որ ամերիկյան Սահմանադրությունը եւ ԱՄՆ ինստիտուտներն այնքան հզոր են, որ կարող են դրան դիմադրել: Թ
րամփի երդմնակալությունից հետո շուկայի վարքագծի վերաբերյալ հարցին՝ Սորոսը պատասխանել է, որ այժմ դժվար է կանխատեսել: Այժմ շուկայում անորոշությունը գագաթնակետին է գտնվում, որն անդրադառնում է ներդրումների վրա, քանի որ ոչ ոք չգիտի, թե ԱՄՆ նորընտիր նախագահն ինչ քայլեր կձեռնարկի: Իր մասին խոսելիս ֆինանսիստն ասել է, որ կաշխատի որքան հնարավոր է Թրամփից հեռու մնալ: