Բելառուս ռուսական նավթի մատակարարումների կրճատումը պետք է փոխարինվի այլընտարնքային տարբերակներով: Այս մասին այսօր հայտարարել է Բելառուսի նախագահ Ալեքսանդր Լուկաշենկոն՝ զեկույց ներկայացրած փոխվարչապետ Վլադիմիր Սեմաշկոյին ընդունելիս:
Լուկաշենկոն նշել է, որ համապատասխան հարցերը քննարկվել են դեռեւս անցյալ տարեվերջին: «Մենք այդ այլընտրանքային տարբերակները ոչ միայն մշակել ենք, այլեւ դրանցից մի քանիսը փորձել ենք, գործնականում արդեն փորձարկել՝ մեր նավթամշակման գործարաններ նավթ հասցնելով Սեւ եւ Միջերկրական ծովերից, որ տեսնենք, թե դա տնտեսական ինչ արդյունք կունենա»,- ասել է նա:
