Մեծ Բրիտանիայի վարչապետ Թերեզա Մեյը հայտարարել է, որ մտադիր է ԱՄՆ նախագահ Դոնալդ Թրամփի հետ բանակցությունների ժամանակ քննարկել ՆԱՏՕ-ի եւ ահաբեկչության հետ կապված հարցերը, հայտնում է Reuters-ը:
Ավելի վաղ ԱՄՆ նոր վարչակազմի մամուլի քարտուղար Շոն Սփայսերը հայտնել էր, որ Մեյը եկող շաբաթ կայցելի Վաշինգթոն: Ընդ որում, նա չէր ասել, թե կոնկրետ երբ կկայանա այցը՝ նշելով, որ հնարավոր են հունվարի 26-ը եւ 27-ը:
