Թուրքիայում 2016–ի հուլիսի 15–ի երեկոյան ռազմական հեղաշրջման փորձի մասնակից զինվորականների մի մասն այս պահին Սիրիայում մասնակցում են ռազմական գործողությունների։ Այս մասին հայտնի է դարձել ռազմական հեղաշրջման փորձի գործով դատավարության ժամանակ։
Թուրքական Milliyet–ի փոխանցմամբ՝ Ստամբուլի ծանր հանցագործությունների գործերով 23–րդ դատարանում հեղաշրջման փորձի գործով դատավարությանը սկանդալային փաստ է հայտնի դարձել։
62 մեղադրյալներով դատավարությանը ստորագրութմաբ ազատ արձակվածների մեծ մասը չի մասնակցել։ Դատարանի հայտարարության մեջ նշվել է, թե մեղադրյալների մի մասին չի հաջողվել ծանուցել դատարան ներկայանալու մասին, քանի որ նրանք «Եփրատի վահան» գործողության շրջանակներում գտնվում են Սիրիայում։
Նշենք, որ Թուրքիայի զինված ուժերի ստորաբաժանումները «Եփրատի վահան» գործողության անվան տակ ամիսներ առաջ ներխուժել են Սիրիա։