Ապահովել Սիրիայի իշխանությունների եւ ընդդիմության ներկայացուցիչների ուղիղ բանակցությունները չի հաջողվել, սակայն նրանք միմյանց աչքերի մեջ են նայել հանդիպման մեկնարկին, երկուշաբթի Աստանայում կայացած ասուլիսում հայտարարել է Ռուսաստանի պատվիրակության ղեկավար Ալեքսանդր Լավրենտեւը։
«Չնայած այն հանգամանքին, որ մեզ չհաջողվեց այս համաժողովի շրջանակներում սիրիական երկու պատվիրակությունների միջեւ ուղիղ բանակացությունների անցկացումը մեկ սենյակում, այդուհանդերձ հատկանշական է, որ նրանք մասնակցել են բացմանը, միմյանց աչքերի մեջ են նայել հանդիպման մեկնարկին, լսել են ողջույնի խոսքերն ու իրենց ուղղված հայտարարությունները, եւ խոսափել են, ինչպես ավելի վաղ նշեցի, իրար նկատմամբ կտրուկ գործողություններից։ Կարծում եմ, սա շատ դրական քայլ է», – լրագրողներից ասել է Լավրենտեւը։
