Եվրամիությունը շահագրգռված է մոբիլությունը բարելավելու հարցում ու այս հարցի շուրջ Հայաստանի հետ բանակցություններ կկազմակերպվեն։ Այս մասին, ԵԽԽՎ ձմեռային նստաշրջանի ընթացքում հարցերին պատասխանելիս հայտնել է ԵՄ ընդլայնման ու հարեւանության քաղաքականության հարցերով հանձնակատար Յոհաննես Հանը։
Պատասխանելով Հայաստանի հետ վիզաների ազատականացմանը ԵՄ մոտեցման մասին հայաստանյան պատվիրակ Նաիրա Կարապետյանի հարցին՝ Հանը վստահություն է հայտնել, որ Հայաստանի հետ բանակցությունները կկայանան։
«Վստահեցնում եմ, որ մենք շատ շահագրգռված ենք բոլորի համար բարելավել մոբիլությունը։ Այս տեսակետից Հայաստանի հետ բանակցություններ իրոք կկազմակերպվեն»,- ասել է նա։