Հայաստանում 2016-ին ծնելիության ամենաբարձր ցուցանիշները գրանցվել են Երեւանում, Արարատի, Կոտայքի ու Շիրակի մարզերում։ Այս մասին փետրվարի 1-ին մամուլի ասուլիսի ժամանակ հայտնել է Ազգային վիճակագրական ծառայության մարդահամարի ու ժողովրդագրության բաժնի ղեկավար Կարինե Կույումջյանը։

Ծնելիության ամենացածր ցուցանիշը, նրա խոսքով, գրանցվել է Սյունիքի ու Տավուշի մարզերում։ «Մահացության ամենաբարձր ցուցանիշը Լոռվա մարզում է, որին հաջորդում են Շիրակի, Տավուշի ու Վայոց ձորի մարզերը»,- նշել է Կույումջյանը։