Հայաստանն ուզում է չեղարկել ԵՏՄ երկրների ապրանքների համար պետգնումների արտոնությունների մի մասը։ Պետգնումների կարգի մասին համապատասխան փոփոխությունները հավանություն են ստացել փետրվարի 9-ին կառավարության նիստում։

Հիմա ԵՏՄ երկրները պետական մրցույթներ կազմակերպելիս նախապատվությունը տալիս են տեղական ապրանքներին կամ ԵՏՄ ապրանքներին, եթե համանման ապրանքների եւ ծառայությունների տարբերությունը երրորդ երկրներից չի գերազանցում 15 տոկոսը։ Հայաստանն ուզում է չեղարկել այդ արտոնությունը 70 մլն դոլարից քիչ գնումների համար։