Հայաստանը կրճատել է ընթացիկ հաշվի դեֆիցիտը եւ բարելավել է արտաքին պարտքի վճարման հնարավորությունները։ Այս մասին փետրվարի 9-ին՝ կառավարության նիստից հետո, ասել է ֆինանսների նախարար Վարդան Արամյանը։
Նրա խոսքով՝ վերջին մի քանի տարում երկրի ընթացիկ հաշվի դեֆիցիտը 8 տոկոսից կրճատվել է մինչեւ 2.8 տոկոս։ Դա տեղի է ունեցել Ռուսաստան պատրաստի ապրանքների արտահանումը վերականգնելու հաշվին։ 2020 թվականին արտաքին պարտքի ամենալուրջ ծանրաբեռնվածությունը կլինի՝ 500 մլն եվրո սուվերեն եվրապարտատոմսերի թողարկի մարումը։ Բայց Հայաստանը կարող է պարտքի վճարումը տեղափոխել մի քանի տարով հետաձգել՝ հին պարտատոմսերը մարելով նորերի թողարկով։ Հայաստանը նման բան արել էր 2015–ի մարտին, երբ երկիրը 500 մլն դոլար եվրապարտատոմսերից 205 մլն դոլարն ուղղեց նախորդ 700 դոլարի պարտքը մարելուն։ «Ներդրողները կարող են նման պարտատոմսեր գնել, եթե երկրում մակրոտնտեսական վիճակը նրանց վստահություն ներշնչի։ Մեր նկատմամբ նման վստահություն կա»,– ասել է Արամյանը։