ՀՀ ֆինանսների նախարարությունում փետրվարի 10-ին, տեղի է ունեցել ՀՀ ֆինանսների նախարարի հրամանով ստեղծված եկամուտների քաղաքականության կատարելագործման ընդլայնված հասարակական խորհրդի հերթական նիստը, որին մասնակցել են ֆինանսների նախարարության, այլ գերատեսչությունների եւ խորհրդակցական ձայնի իրավունքով խորհրդի կազմում ընդգրկված միջազգային հայտնի խորհրդատվական կազմակերպությունների ներկայացուցիչներ:
Ֆիննախից NEWS.am-ին հայտնում են, որ նիստի ընթացքում քննարկվել են հարկային օրենսգրքի ընդհանուր եւ վարչարարության մասով փոփոխություններ նախատեսող՝ խորհրդի անդամների կողմից ներկայացվող նախագծերը:
Խորհրդի նիստի արդյունքներով ներկայացված առաջարկներն ընդհանուր առմամբ ընդունելի են համարվել, եւ պայմանավորվածություն է ձեռք բերվել կազմակերպել ներկայացված նախագծերի քննարկումների հետագա ընթացքը: