Դոնբասի իրադրության կարգավորմամբ զբաղվող «նորմանդական քառյակի» ձեւաչափը (Ուկրաինա, Գերմանիա, Ֆրանսիա, Ռուսաստան) չի ընդլայնվի: Ինտերֆաքսի հաղորդմամբ՝ այս մասին տեղեկացրել է Գերմանիայի ԱԳ նախարար Զիգմար Գաբրիելը:
«Մենք ձեւաչափի ընդլայնման մասին խոսել ենք ԱՄՆ պետքարտուղար Ռեքս Թիլերսոնի հետ, պայմանավորվել ԱՄՆ-ի հետ շփումների մասին: Բայց կարծում ենք, որ գոյություն ունեցող ձեւաչափը պետք է պահպանել»,- լրագրողներին ասել է Գաբրիելը:
Նրա խոսքով՝ նախարարների հաջորդ հանդիպումը կկայանա «առաջիկա շաբաթների ընթացքում»:
Ուկրաինայի, Գերմանիայի, Ֆրանսիայի եւ Ռուսաստանի ԱԳ նախարարները հանդիպել են Մյունխենի անվտանգության հարցերի համաժողովի շրջանակում: