Էկվադորի նախագահական ընտրությունների առաջին փուլի արդյունքներով առաջատար են «Երկիր դաշինք» իշխող աջ բլոկի թեկնածու, նախկին փոխնախագահ Լենին Մորենոն եւ աջակենտրոն ընդդիմադիր CREO շարժման ներկայացուցիչ, նախկին բանկիր Գիլյերմո Լասոն: Այս մասին են վկայում քվեաթերթիկների 73,6 տոկոսի հաշվարկից հետո նախնական պաշտոնական տվյալները, փոխանցում է ՏԱՍՍ-ը:
Այդ տվյալների համաձայն՝ Մորենոն ստացել է ձայների 38,7 տոկոսը, Լասոն՝ 28,83:
Առաջին փուլում հաղթելու համար թեկնածուն պետք է հավաքի ձայների 50 տոկոսից ավելին կամ 40 տոկոսից ավելին, եթե ամենամոտ մրցակցից առաջ է անցնում 10 տոկոսով: Եթե նախագահի պաշտոնի հավակնորդներից ոչ մեկին դա չհաջողվի, ապրիլի 2-ին տեղի կունենա ընտրությունների երկրորդ փուլը: Քանի որ քվեաթերթիկների հաշվարկը շարունակվում է երկուշաբթի եւ ընտրարշավի առաջատարները 40 տոկոսի նիշից հեռու չեն, փորձագետներից ոչ մեկը մինչեւ հիմա չի կարողանում կանխատեսել՝ արդյոք քվեարկության նոր փուլի անհրաժեշտություն կլինի, թե ոչ:
