Լավրովը մերկապարանոց ու «մատից ծծած» է անվանել Չեռնոգորիայում հեղաշրջման ծրագրմանը մասնակցություն ունենալու կապակցությամբ ռուսական հատուկ ծառայությունների հանդեպ մեղադրանքները, հայտնել է Newsru–ն։
Մեկնաբանելով The Telegraph–ի հոդվածում հրապարակված տեղկությունը՝ Լավրովը լրագրողներին հայտնել է, որ «բրիտանական լրատվամիջոցները ամեն ինչին խառնվում են,նրանք իրենց արդեն բազմիցս ցուցադրել են, այդ թվում այնպիսի ակնհայտորեն մատից ծծած իրավիճակներում, ինչպիսին է Լիտվիենկոյի գործը ու դրա շուրջ նրանց մեկնաբանությունները»։
«Ինչ վերաբերում է ձեր հիշատակած նորությանը, ապա այն էլ է մեր ու մեր երկրի հասցեին հնչող բոլոր մյուս մերկապարանոց մեղադրանքների շարքում»,- հավելել է նա։ «Այդ մեղադրանքներից ոչ մեկի վերաբերյալ ոչ մի փաստ չի ներկայացվել»,- շեշտել է նա։