Մեծ Բրիտանիայի խորհրդարանի Լորդերի պալատում մեկնարկել է այն օրինագծի քննարկումը, որը կգործարկի Լիսաբոնյան պայմանագրի 50-ր հոդվածը՝ ԵՄ-ից երկրի դուրս գալու կարգի վերաբերյալ, հայտնում է BBC–ն։

Ստորին՝ Համայնքների պալատը, աջակցել է համապատասխան օրինագիծը փետրվարի 8-ին։ Այն վարչապետ Թերեզա Մեյին իրավունք կտա պաշտոնապես ԵՄ-ին տեղեկացնել միությունը լքելու մտադրության մասին։

Մինչդեռ Լորդերի պալատում պահպանողականների կառավարությունը բացարձակ մեծամասնություն չունի, ինչը կարող է դժվարացնել փաստաթղթի ընդունումը։

Ընդդիմությունն ու անկախ պատգամավորները մտադիր են երաշխիքներ պահանջել Բրիտանիայում ապրող ԵՄ քաղաքացիների իրավունքների պաշտպանության վերաբերյալ։

Թերեզա Մեյը մինչ այդ խոստացել էր ԵՄ-ից դուրս գալու բանակցությունները սկսել մինչեւ մարտի վերջ։ Լիսաբոնյան պայմանագրի 50-րդ հոդվածը նախատեսում է երկու տարվա ժամկետ՝ ԵՄ-ից երկրի հեռանալու մասին բանակցությունների համար։