Ես Հայաստանին չէի վերագրի այդպիսի հավակնոտ դերակատարումային հեռանկարներ, ինչպիսին է միջնորդ լինելը։ Այս մասին Հայաստանի արտգործնախարար Էդվարդ Նալբանդյանն ասել է DW հեռուստառադիոընկերությանը տված հարցազրույցում՝ պատասխանելով այն հարցին, արդյոք Հայաստանին կարելի է անվանել Ռուսաստանի ու Արեւմուտքի միջեւ միջնորդ։
Նա նշել է, որ միջնորդ լինելու նման հավակնոտ դերակատարումային հեռանկարներ չէր վերագրի Հայաստանից։ «Բայց Հայաստանն, իրոք, կարող է օրինակ ծառայել, ինչո՞ւ ոչ։ Եվ ԵՄ-ից իմ գործընկերներից շատերն են ասում՝ տեսեք, դուք ԵՏՄ անդամ եք, սակայն անկեղծ ու բաց համագործակցություն եք զարգացնում ԵՄ-ի հետ։ Մենք ավանդաբար շատ ամուր հարաբերություններ ունենք շատ եվրոպական երկրների հետ։ Եվ դա մեր անկախացումից հետո չի սկսվել, պատմականորեն է այնպես ստացվել, որ հայ ժողովուրդը արդեն ոչ մեկ հարյուրամյակ կապեր ունի եվրոպական մայրցամաքի շատ ժողովուրդների հետ։
Այս առումով մենք շատ բաց ենք վարում մեր քաղաքականությունը, բաց այն իմաստով, որ սերտ համագործակցություն ենք ուզում բոլոր նրանց հետ, ովքեր նույնն են ուզում։ Եվ մենք չենք ուզում օգտվել հակասություններից կամ խնդիրներից, որոնք կան առանձին երկրների միջեւ, որպեսզի դրանից ինչ-որ բան շահենք։ Դա վատ մոտեցում է հեռանկարի տեսակետից, դա կարող է բումերանգի պես մեզ հարվածել։ Դրա համար ել մենք ասում ու անում ենք այն, ինչ ասում ենք։ Մենք անում ու ասում ենք այն, ինչ անում ենք»,- նշել է Հայաստանի արտգործնախարարը։